សិក្ខាសាលាផ្សព្វផ្សាយស្ដីពីវិធានការអនាម័យ និងភូតគាមអនាម័យ និងលក្ខខណ្ឌតម្រូវភូតគាមអនាម័យសម្រាប់នាំចេញផលិតផលកសិកម្មកម្ពុជាទៅកាន់ទីផ្សារប្រទេសចិន

ចេញ​ផ្សាយ​ ១៨ ធ្នូ ២០១៩ 3152

ថ្ងៃពុធ ៧រោច ខែមិគសិរ ឆ្នាំកុរ ឯកស័ក ពុទ្ធសករាជ២៥៦៣ ត្រូវនឹងថ្ងៃទី១៨ ខែធ្នូ ឆ្នាំ២០១៩ នាយកដ្ឋានការពារដំណាំ អនាម័យ និងភូតគាមអនាម័យ បានរៀបចំសិក្ខាសាលាផ្សព្វផ្សាយស្ដីពីវិធានការអនាម័យ និងភូតគាមអនាម័យ និងលក្ខខណ្ឌតម្រូវភូតគាមអនាម័យសម្រាប់នាំចេញផលិតផលកសិកម្មកម្ពុជាទៅកាន់ទីផ្សារប្រទេសចិន នៅសណ្ឋាគារកំពង់ធំរ៉ូយ៉ាល់ ខេត្តកំពង់ធំ ក្រោមអធិបតីភាព លោក អោម ពេជ្រ អនុប្រធាននាយកដ្ឋានការពារដំណាំ អនាម័យ និងភូតគាមអនាម័យ។ សិក្ខាសាលានេះមានការអញ្ជើញចូលរួមពីថ្នាក់ដឹកនាំ និងមន្រ្តីនៃនាយកដ្ឋានការពារដំណាំ អនាម័យ និងភូតគាមអនាម័យ សហគមន៍កសិកម្ម និងវិស័យឯកជនពាក់ព័ន្ធនឹងវិស័យស្រូវអង្ករ សរុបចំនួន ៣២រូប ក្នុងគោលបំណងដើម្បីបង្កើនការយល់ដឹងអំពីវិធានការ និងតម្រូវការចាំបាច់សម្រាប់ការនាំចេញអង្ករទៅកាន់ប្រទេសចិន និងប្រទេសដទៃទៀតដល់មន្រ្តីជំនាញ សមាជិកសហគមន៍កសិកម្ម និងវិស័យឯកជនដែលធ្វើការពាក់ព័ន្ធនឹងវិស័យស្រូវ-អង្ករ។