នៅអគ្គនាយកដ្ឋានកសិកម្ម កាលពីព្រឹកថ្ងៃពុធ ៧រោច ខែពិសាខ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី១៣ ខែឧសភា ឆ្នាំ២០២០ មានរៀបចំកិច្ចប្រជុំប្រចាំខែ ក្រោមអធិបតីភាពឯកឧត្តមបណ្ឌិត ងិន ឆាយ ប្រតិភូរាជរដ្ឋាភិបាលកម្ពុជាទទួលបន្ទុកជាអគ្គនាយកនៃអគ្គនាយកដ្ឋានកសិកម្ម។ កិច្ចប្រជុំខាងលើមានការអញ្ជើញចូលរួមពីថ្នាក់ដឹកនាំ និងប្រធានអង្គភាពក្រោមឱវាទអគ្គនាយកដ្ឋានកសិកម្ម ក្នុងគោលបំណងពិនិត្យ និងពិភាក្សាអំពីបញ្ហាប្រឈម និងរួមគ្នាដោះស្រាយដើម្បីពង្រឹងគុណភាពការងាររបស់អង្គភាពក្រោមឱវាទ ក៏ដូចជាអគ្គនាយកដ្ឋានកសិកម្ម។
