ថ្ងៃអង្គារ ០៣កើត ខែអស្សុជ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១៧ ខែតុលា ឆ្នាំ២០២៣ ក្រសួងកសិកម្ម រុក្ខាប្រមាញ់ និងនេសាទ ដឹកនាំដោយ ឯកឧត្តម ឡឹក សុធា អនុរដ្ឋលេខាធិការ ក្រសួងកសិកម្ម រុក្ខាប្រមាញ់ និងនេសាទ អមដំណើរដោយមន្រ្តីបច្ចេកទេសនៃនាយកដ្ឋានដំណាំស្រូវនៃអគ្គនាយកដ្ឋានកសិកម្ម បានចូលរួមក្នុងកម្មវិធីចែកគ្រាប់ពូជស្រូវ OM-5451 ចំនួន ៣៤ ២០០គីឡូក្រាម ជូនដល់កសិករចំនួន ៣៤២គ្រួសារ មកពីឃុំពាមជីលាំង និងឃុំបឹងព្រួល ដែលទទួលរងការខូចខាតដោយគ្រោះទឹកជំនន់ ដើម្បីដាំដុះស្តារឡើងវិញឱ្យបានទាន់ពេលវេលា។ កម្មវិធីនេះ បានរៀបចំនៅវត្តពាមមង្គល (ហៅវត្តពាម) ស្ថិតនៅភូមិព្រែកពាម ឃុំពាមជីលាំង ស្រុកត្បូងឃ្មុំ ខេត្តត្បូងឃ្មុំ។
