កិច្ចប្រជុំប្រចាំខែរបស់អគ្គនាយកដ្ឋានកសិកម្ម

ចេញ​ផ្សាយ​ ៣០ មិថុនា ២០២០ 257

នៅព្រឹកថ្ងៃចន្ទ ៩ កើត ខែអាសាឍ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី២៩ ខែមិថុនា ឆ្នាំ២០២០ អគ្គនាយកដ្ឋានកសិកម្ម្នបានរៀបចំកិច្ចប្រជុំប្រចាំខែ ក្រោមអធិបតីភាព ឯកឧត្តម ងិន ឆាយ ប្រតិភូរាជរដ្ឋាភិបាលកម្ពុជាទទួលបន្ទុកជាអគ្គនាយកនៃអគ្គនាយកដ្ឋានកសិកម្ម។ សមាសភាពចូលរួមប្រជុំ​ រួមមាន លោកស្រីអគ្គនាយិការង លោកអគ្គនាយករងគ្រប់រូប និងលោកប្រធាននាយកដ្ឋានរដ្ឋបាល ផែនការ គណនេយ្យ និង សហប្រតិបត្តិការអន្តរជាតិ។ កិច្ចប្រជុំបានប្រព្រឹត្តទៅដោយពិនិត្យ និងពិភាក្សាជារួមអំពី ១). វឌ្ឍនភាពនៃការអនុវត្តការងាររបស់នាយកដ្ឋានជំនាញទាំង១០ ក្រោមការទទួលខុសត្រូវ និងដឹកនាំការអនុវត្តសកម្មភាពការងារដោយផ្ទាល់របស់អគ្គនាយករងទទួលបន្ទុក ក្រោម ឱវាទអគ្គនាយកដ្ឋានកសិកម្ម និង ២). បញ្ហាប្រឈម សំណូមពរ និងដំណោះស្រាយសមស្រប។ កិច្ចប្រជុំខាងលើបានប្រព្រឹត្តទៅដោយរលូន ហើយអង្គប្រជុំបានពិនិត្យ ពិភាក្សា និងឯកភាពគ្នាលើចំណុចសំខាន់ៗតាមរបៀបវារៈដែលបានលើកឡើងខាងលើ។