សិក្ខាសាលាពិគ្រោះយោបល់លើឯកសារបណ្តុះបណ្តាលព្រាងស្តីពីគោលគំនិតនៃសហគមន៍កសិកម្ម

ចេញ​ផ្សាយ​ ០៧ វិច្ឆិកា ២០១៨ 1324

នៅថ្ងៃពុធ ១៤រោច ខែអស្សុជ ឆ្នាំ ច សំរិទ្ឋីស័ក ព.ស. ២៥៦២ ត្រូវនឹងថ្ងៃទី០៧ ខែវិច្ឆិកា ឆ្នាំ២០១៨
អគ្គនាយកដ្ឋានកសិកម្ម និងនាយកដ្ឋានអភិវឌ្ឍន៍សហគមន៍កសិកម្ម បានសហការជាមួយអង្គការILO ដើម្បីរៀបចំសិក្ខាសាលាពិគ្រោះយោបល់លើឯកសារបណ្តុះបណ្តាលព្រាងស្តីពីគោលគំនិតនៃសហគមន៍កសិកម្ម ក្រោមអធិបតីភាព ឯកឧត្តម បណ្ឌិត ងិន ឆាយ ប្រតិភូរាជរដ្ឋាភិបាលកម្ពុជាទទួលបន្ទុកជាអគ្គនាយកនៃអគ្គនាយកដ្ឋានកសិកម្ម និង លោក Chalie Bodwell តំណាងអង្គការILO ប្រចាំតំបន់អាស៊ីប៉ាស៊ីហ្វិក។
គោលបំណងសំខាន់នៃសិក្ខាសាលា គឺដើម្បីប្រមូលធាតុចូល និងអនុសាសន៍ពីអ្នកពាក់ព័ន្ឋទាំងអស់ដើម្បីកែលម្អលើឯកសារបណ្តុះបណ្តាលអោយបានល្អពេញលេញ គ្រប់ជ្រុងជ្រោយសម្រាប់យកទៅបណ្តុះបណ្តាលពង្រឹងសមត្ថភាព
ដល់សហគមន៍កសិកម្ម។ ក្នុងសិក្ខាសាលានេះដែរ មានសិក្ខាកាមចូលរួមសរុបចំនួន១០០នាក់ ដែលអញ្ជើញមកពីមន្ទីរកសិកម្ម រុក្ខាប្រមាញ់ និងនេសាទ រាជធានី ខេត្តទាំង២៥ នៅទូរទាំងប្រទេស។