ប្រតិភូរាជរដ្ឋាភិបាលកម្ពុជាទទួលបន្ទុកជាអគ្គនាយកនៃអគ្គនាយកដ្ឋានកសិកម្ម និងសហការី បានទទួលជួបពិភាក្សាការងារជាមួយប្រតិភូប្រទេសចិន

ចេញ​ផ្សាយ​ ២៦ តុលា ២០១៨

នាព្រឹកថ្ងៃពុធ ១៥ កើត ខែអស្សុជ ឆ្នាំច សំរឹទ្ធស័ក ព.ស.២៥៦២ ត្រូវនឹងថ្ងៃទី២៤ ខែតុលា ឆ្នាំ២០១៨ នៅអគ្គនាយកដ្ឋានកសិកម្ម ដឹកនាំដោយឯកឧត្តមបណ្ឌិត ងិន ឆាយ ប្រតិភូរាជរដ្ឋាភិបាលកម្ពុជាទទួលបន្ទុកជាអគ្គនាយកនៃអគ្គនាយកដ្ឋានកសិកម្ម និងសហការី បានទទួលជួបពិភាក្សាការងារជាមួយប្រតិភូប្រទេសចិនដែលដឹកនាំដោយលោកស្រី Lin Huifang, Deputy Director of Ministry of Agriculture and Rural Affairs International Exchange Service Center និងសហការីរួមជាមួយជំនាញការជនជាតិចិនប្រចាំអគ្គនាយកដ្ឋានកសិកម្មសរុបចំនួន០៨នាក់។ ក្នុងដំណើរទស្សនកិច្ចរបស់ប្រតិភូប្រទេសចិននៅពេលនេះមានគោលបំណងសិក្សាវាយតម្លៃពីវឌ្ឍន៍ភាពការងារដែលក្រុមជំនាញការប្រទេសចិនអនុវត្តកន្លងមកនៅក្នុងប្រទេសកម្ពុជា និងសិក្សាតម្រូវការគាំទ្របន្ថែមផ្សេងៗទៀតដែលជាអាទិភាពក្នុងការជម្រុញការអភិវឌ្ឍន៍វិស័យកសិកម្មននៅកម្ពុជា។